Fêtes de la Saint Éloi

Coupo Santo

Prouvençau, veici la Coupo
Que nous vèn di Catalan ;
A-de-rèng beguen en troupo
Lou vin pur de noste plant.

Coupo Santo
E versanto
Vuejo à plen bord
Vuejo abord
Lis estrambord
E l’enavans di fort !

D’un vièi pople fièr e libre
Sian bessai la finicioun ;
E, se toumbon li Felibre
Toumbara nosto nacioun.

D’uno raço que regreio
Sian bessai li proumié gréu ;
Sian bessai de la patrìo
Li cepoun emai li priéu.

Vuejo-nous lis esperanço
E li raive dóu jouvènt,
Dóu passat la remembranço
E la fe dins l’an que vèn.

Vuejo-nous la couneissènço
Dóu Verai emai dóu Bèu,
E lis àuti jouïssènço
Que se trufon dóu toumbèu.

Vuejo-nous la Pouësio
Pèr canta tout ço que viéu,
Car es elo l’ambrousìo
Que tremudo l’ome en diéu.

Pèr la glòri dóu terraire
Vautre enfin que sias counsènt
Catalan, de liuen, o fraire,
Coumunien tóutis ensèn !

Prouvençau è Catouli

La Prouvènço te suplico

Dins soun vièi e dous parla,
La Prouvènço es catoulico ;
Nosto-Damo, escouto-la !

Refrain

Prouvènçau e catouli,
Nosto fe n’a pas fali ;
Canten , tóuti trefouli,
Provèçau e catouli !

Autre-tèms devers Toulouso
Quand l’aurige se levè ,
D’uno fin espetaclouso
Toun rousàri nous sauvè

Li felen, coume li rèire,
Te saran toujour fidèu ;
Creiren tout ço qu’es de crèire
E viéuren coume se dèu .

Nòsti fiéu, o bono Maire,
Gardo-lèi di faus savènt ;
Manten-ie le fe di paire,
Car s’aubouro un marrit vènt !

Se dóu nord l’auro glaçado
Sus si champ vèn mai boufa,
S’armaren pèr la crousado
Vers l’autar que t’avèn fa.

Mai esvarto tron e guerro
Liuen di paire, liuen di fiéu
E flourigue nosto terro
Dins la douço pas de Diéu.

Sousto adounc, o Ciéutadello,
Tóuti li generacioun ;
Pièi acampo o Rèino bello
Tout toun pople dins Sioun.